«®°·.¸.•°°·.¸¸.•°°·.¸.•°®»
من كل قلبي قلتها اليوم مابيك
ويشهد على ماقلت دمع بكيته
ليت الليالي ماتجيني بطاريك
ودي بنسيانك ولوما قويته
وليت الحنين اللي بعيني يراعيك
يموت وانسى اللي لنفسي جنيته
كلمتني !!
كلمتني وتقول قلبي يناديك
يشفق على شوفك وحبك رجيته
قلت الله أقوى قلبي اليوم ساليك
والله مايرجع فؤاد رميته
يوم إن قلبي ياعشيري مصافيك
لا ياحسايف بالخيانه جزيته
يوم يبيك وساعي لجل يرضيك
صديت عنه وفي عذابك كويته
واليوم يوم إنه قنع من تجافيك
تقول حبك ياحبيبي شريته !!
قلبي عقب موت الوفاء جا يعزيك
ويغسل بدمع العين حب نسيته
ويكفنه بالورد وعهود ماضيك
ويدفن معه ذكرى حبيب نسيته